USD 1.70
EUR 1,8441
RUB 0.0175
BREND 78.91
Bakı
7°

Erməni alimin beynəlxalq konfransda iştirakına qadağa qoyuldu

Dünya
12:09 08.02.2018
Erməni alimin beynəlxalq konfransda iştirakına qadağa qoyuldu

Dünya

12:09 08.02.2018

Ermənistanlı alimin Florensiyada İran və Qafqaz ərazisində olan kurqan tipli qəbir abidələrlə bağlı elmi konfransda iştirakına qadağa qoyulub.

Mynews.az xəbər verir ki, bu haqda  News.am saytında məlumat yayılıb.

Məlumata görə, Ermənistan Milli Elmlər Akademiyasının Arxeologiya və Etnoqrafiya İnstitutunun  arxeoloji qrupunun üzvü, tarix elmləri namizədi Njde Yeranyanın tədqiqat predmenti Dağlıq Qarabağda yerləşdiyinə görə konfransda iştirak üçün verdiyi ərizə rədd edilib.

“UNESCO-nun qərarını əsas götürüb, ərizəmi qəbul etmədilər”, - deyə erməni alim bildirib.

O,  qərardan şikayət vermək imkanının olmadığını deyib. Njde Yeranyan elmi konfransın komissiyasına məktub yazıb. Cavabında ona bildiriblər ki, ərizəsi rədd edilib və məsələ müzakirə mövzusu deyil.

Qeyd edək ki, İran və Qafqaz ərazisində  olan kurqanlara həsr olunmuş elmi konfrans 29-30 mart tarixlərində, İtaliyanın Florensiya şəhərində keçiriləcək.


Dünya

Xəbər lenti