Türkiyə polisi Ankarada terror aktı planlaşdıran 17 İŞİD üzvünü saxlayıb.
Bu barədə “Anadolu” agentliyi təhlükəsizlik orqanlarındakı mənbəyə istinadən məlumat yayıb.
Məlumatda bildirilir ki, İstanbulun 3 rayonunda keçirilən xüsusi əməliyyat zamanı daha 31 terrorçu saxlanılıb. Saxlanılanların hamısı xarici ölkə vətəndaşlarıdır.
Türkiyənin hüquq-mühafizə orqanları bu günə kimi İŞİD-lə əlaqədə olan 5 mindən çox şübhəlini saxlayıb.
Bundan başqa, 95 ölkədən olan 3290 insan Türkiyədən deportasiya olunub, 38 mindən çox əcnəbinin ölkəyə girişinə isə qadağa qoyulub. Hazırda terrorçuluğa görə 780 nəfər göz altına alınıb ki, onlardan da 350 nəfəri əcnəbidir.
