Ukraynanın Lvov vilayətində “Lvovuqol” şirkətinə məxsus “Stepnaya” şaxtasında qəza olub.
“Qafqazinfo” “Ria Novosti”yə istinadən xəbər verir ki, hadisə nəticəsində 10 mədənçi ölüb, 6-sı yaralanıb, 20 nəfər isə xilas olunub.
Qeyd olunur ki, şaxtada 172, qəza ərazisində isə 34 mədənçi olub.
İlkin məlumatlara görə, qəzanın baş verməsinə səbəb metanın partlaması olub. Hadisə yerində xilasedicilər çalışır.
Hökumət koordinasiya qərargahı yaradıb.
Prezident Petro Poroşenko Nazirlər Kabinetinə bütün kömür-mədən şirkətlərinin auditini aparmağı tapşırıb.
Ölkədə matəm elan olunub.
