Misirli qadın ona şaurma almadığına görə ərində boşanmağa qərar verib.
Mynews.az xəbər verir ki, bu qeyri-adi insident barədə “Khaleej Times” məlumat yayıb.
“Bizi valideynlərimiz evləndirib. Onu ilk dəfə toydan bir neçə ay əvvəl görmüşəm, o vaxt onun belə xəsis olduğunu hiss etməmişdim”, – deyə qadın bildirib.
Şikayətçinin sözlərinə görə, nikahın elə ilk həftəsində əri gəzməyə getməyə nifrət etdiyini, pul itkisi olduğunu söyləyib.
Toydan 40 gün sonra qadın onu evdən çölə çıxarmağı bacarıb. Gəzinti zamanı qadın ərindən ona şaurma almağı xahiş etsə də, əri bundan imtina edərək, ona artıq meyvə şirəsi aldığını söyləyib.
Kişi onu merkantillikdə ittiham edərək, qalmaqal salıb. Bundan sonra qadın birdəfəlik olaraq belə qərara gəlib ki, valideynlərinin evinə qayıtsın. O, eyni zamanda, əri ilə bağlanmış nikaha xitam verilməsi üçün məhkəməyə ərizə ilə müraciət edib. Yaxın həftələrdə məhkəmədə ərizəyə baxılacaq.
2013-cü Misir qadınlara qarşı münasibətin ən bərbad vəziyyətdə olduğu ərəb dövləti seçilib. Ölkədə qadınlara qarşı zorakılıq ən yüksək səviyyədədir. İnsan haqları təşkilatlarının etirazlarına baxmayaraq, azyaşlı qızlar sünnət olunur, qadınlar hakimiyyət orqanlarında təmsil olunmur.
