Azərbaycanlıların diaspor təşkilatlarından birləşmə qərarı
![](https://img.mynews.az/news/2018/03/photo_41448.jpg)
Mərkəzi İsveçin Malmö şəhərində yerləşən, tanınmış ictimai xadim (Dünya Azərbaycanlıları Konqresinin (DAK) keçmiş sədri) Cavad Derəxtinin rəhbərlik etdiyi Dünya Azərbaycanlıları Milli Birlik Təşkilatı və mərkəzi ofisi Almaniyanın Köln şəhərində yerləşən Dünya Azərbaycanlıları Assambleyasının (DAA) rəhbəri Rəşad Quliyevin arasında görüş keçirilib.
Mynews.az xəbər verir ki, DAA-dan verilən məlumata görə, görüşdə dünyada mövcud olan Azərbaycan təşkilatlarının fəaliyyəti, Azərbaycanın tanıdılması istiqamətində görülən və görüləcək işlər müzakirə edilib. Müzakirənin sonunda mühüm qərar qəbul edilib -hər iki təşkilat arasında birləşmə haqqında razılaşma əldə olunub. İlkin razılığa əsasən, birləşmə qurultayının sentyabr ayında Almaniyanın Köln şəhərində keçirilməsi qərara alınıb.
DAA-dan bildirirlər ki, yaxın günlərdə dünyanın müxtəlif ölkələrində fəaliyyət göstərən təşkilatların birgə bəyanat yayaraq birlik qurultayını dəstəkləyəcəklərini bəyan edəcəkləri gözlənilir.
Qeyd edilir ki, artıq birlik qurultayını dəstəkləyənlər də var. Belə ki, Beynəlxalq Diaspora Mərkəzinin rəhbəri İsmayıl Ağayev, Yaxın Şərq Azərbaycanlıları Konqresinin prezidenti Alexsander Şapiro Suliman öz qurumlarında bu məsələni müzakirə etdiklərini, birlik qurultayı ideyasının müsbət qarşılandığını və qurultaya dəstək verəcəklərini bəyan ediblər. Yaxın günlərdə iş adamı, ictimai xadim Fizuli Məmmədovun rəhbərlik etdiyi Dünya Azərbaycanlıları İttifaqının Ümumi Şurasında da birlik qurultayı ilə bağlı müzakirələrin keçirələcəyi və qurultayla bağlı qərarın ictimaiyyətə açıqlanacağı gözlənilir.
Ümumiyyətlə, birlik ideyasına azərbaycanlıların dünyadakı bir neçə diaspor təşkilatlarının qoşulacağı gözlənilir.
Sizin üçün seçdik
İndi oxunanlar
Həftənin hitləri
- Bakı-Sumqayıt istiqamətində sərnişindaşıma xidmətinin tarifi yenilənib 1247 dəfə oxunub
- Avtobus və metroda sərnişin daşımanın qiyməti dəyişdi 913 dəfə oxunub
- Sabahdan Aİ 95 ucuzlaşır 594 dəfə oxunub
- Avtobuslardakı qəza çəkiclərini kim oğurlayır? - AÇIQLAMA 588 dəfə oxunub
- Ərdoğan Azərbaycana gəlir 588 dəfə oxunub