Qırğızıstanın Baş naziri Sapar İsakov ədliyyə naziri Uran Əhmədovu vəzifədən azad edilməsi barədə təqdimatı ölkə prezidenti Sooronbay Jeenbekova təqdim edib.
Mynews.az Trend-ə istinadən xəbər verir ki, U.Əhmədov öz arzusu ilə istefa ərizəsi verib.
O, 2016-cı ilin yayından bu vəzifədə işləyirdi. Ədliyyə naziri vəzifəsinədək U.Əhmədov Qırğızıstan hökumət aparatının Hüquqi təminat şöbəsinin Məhkəmə orqanları ilə iş sektorunun müdiri, eləcə də Qırğızıstan Prezident aparatının Hüquqi təminat şöbəsinin eksperti vəzifəsində işləyib.
