Eastnews.org-un verdiyi xəbərə görə, dünən İsrail rejimi snayperləri Qəzza zolağında aksiya keçirən fələstinlilərə atəş açıb.
Sionist rejim snayperlərinin atəş zərbələri nəticəsində 4 fələstinli həyatını itirib, 650 nəfər yaralanıb.
Öldürülən fələstinlilərdən birinin 15 yaşlı Məhəmməd İbrahim Əyyub olduğu bildirilir. O, İsrail snayperləri tərəfindən başından vurularaq, qətlə yetirilib.
Xatırladaq ki, fələstinlilərin 6 həftə öncə başlatdıqları "Böyük Qayıdış Yürüşü"ndə ümumilikdə 1500 nəfər yaralanıb və ya ölüb. "Nəkba" (Böyük Fəlakət) günü ilə əlaqədar başlayan aksiyalar da mayın 15-də sona çatacaq.
