Çempionlar Liqasında 1/8 final mərhələsinin cavab görüşlərinə start verilib. "Qaynar" xəbər verir ki, diqqətlər London və Neapola yönəlib.
İlk matçda “Arsenal”a 5:1 hesabı ilə qalib gələn “Bavariya” Londona şanslı yollanmışdı. Meydan sahibləri 22-ci dəqiqədə hesabı açıblar. İlk hissə bu hesabla başa çatsa da, ikinci yarıda "topçular" əsl şok yaşayıblar. Ard-arda qolları sıralayan münhenlilər ilk oyundakı hesabı təkrarlayıblar - 1:5.
Günün digər matçında “Napoli” “Real”ı qəbul edib. Neapollular Madriddə keçirilən ilk oyunda hesabı açan tərəf olsa da, “Real” sonradan 3 qol vuraraq, sərfəli nəticə əldə etmişdi. Çempionlar Liqasının son qalibi bu görüşdə eyni ssenari ilə qalib gəlib. Əvvəlcə meydan sahibləri hesabı açıblar. Fasilədən sonra isə madridlilər 3 qol vuraraq növbəti mərhələyə adlayıblar.
Çempionlar Liqası
1/8 final
Cavab oyunları
7 mart
Napoli (İtaliya) - Real (İspaniya) 1:3
Qollar: Dries Mertens, 24 - Serxio Ramos, 52. Dries Mertens, 57. Alvaro Morata, 90+1.
Arsenal (İngiltərə) - Bavariya (Almaniya) 1:5
Qollar: Teo Uollkot, 20 - Robert Levandovski, 55-pen. Aryen Robben, 68. Duqlas Kosta, 78. Arturo Vidal, 80; 85.
