Bizimyol.info “Lenta.ru”-ya istinadən xəbər verir ki, Vyetnam vətəndaşı oğluna süddişlərini çıxarmaq üçün arbaletdən (ox atmaq üçün kaman) bir vasitə kimi istifadə edib. Bu azmış kimi, həmin səhnəyi videoya çəkib sosial şəbəkələrdə paylaşmağı da özünə rəva görüb.
Video Vyetnamın Laokay əyalətində çəkilib. Adam uşağın çəkilməli olan dişini iplə bağlayıb. O, oğlunun tətiyi çəkməyinə kömək edib və videoda göründüyü kimi, prosedur çox vaxt aparmayıb.
Bundan sonra, Vyetnam sakini görüntüdə çəkilən dişi və uşağın ağzında yaranmış deşiyi nümayiş etdirib. Bu görüntü bir neçə dəfə təkrar göstərilib. Video boyunca həm ata, həm də uşağın gülümsəməsi dəqqətdən yayınmayıb.
