Almaniyanın Hamburq şəhərində yaşayan 30 yaşlı türk model Gülhan Abacı avtomobil qəzasında dünyasını dəyişib.
Mynews.az Axşam.az-a istinadən xəbər verir ki, 120 kilometrlik sürət həddi olan yolda 200 kilometr sürətlə hərəkət edən avtomobil modelin maşınına çırpılıb. 300 metrədək sürüklənən avtomobildən Gülhan yaralı halda xilas edilsə də, xəstəxanada dünyasını dəyişib.
Digər avtomobilin yüngül xəsarət alan sürücüsünün sərxoş olduğu üzə çıxıb. Fakta görə cinayət işi açılıb.
