Şərqi Afrika ölkələrində 23 milyon nəfər acından ölə bilər.
Bu barədə BMT-nin hesabatında qeyd olunub. Bildirilir ki, Cibuti, Cənubi Sudan, Efiopiya və digər ölkələrdə insanlar vətəndaş müharibələri və quraqlıq üzündən qida tapmaqda çətinlik çəkir. Yaxın zamanlarda məsələ ilə bağlı addımlar atılmasa fəlakət qaçılmaz olacaq.
Qeyd edək ki, Somalida son bir neçə həftə ərzində aralarında uşaqların da olduğu 120-dən çox insan acından ölüb. Hökumət ölkə miqyasında milli fəlakət elan edib.
