Rusiyanın xarici işlər naziri Sergey Lavrov "Hərtərəfli Birgə Fəaliyyət Planı" ( JCPOA) ilə bağlı iranlı həmrakı Məhəmməd Cavad Zəriflə görüşüb.
Mynews.az Sputniknews-a istinadla xəbər verir ki, görüşdə Donald Trampın nüvə razılaşmasından çəkilməsi ilə bağlı qərarı və başqa məsələlər müzakirə olunub.
"Bir neçə gün əvvəl sazişdən çəkildiyini elan edən ABŞ-dan başqa, nüvə razılaşmasını imzalayan digər ölkələrlə əlaqə saxlamağı planlaşdırmışıq", - Lavrov görüşdə söyləyib. O, sazişlə bağlı belə problemlərin yaranmaması üçün görüşün vacibliyini bildirib.
"Bu məsələdə Rusiyanın mövqeyi İranı cəsarətləndirir. Ümid edirik ki, əməkdaşlığımız uğurla 4+1 formatında davam etdiriləcək. Təəssüf ki, Beynəlxalq saziş və qərarlara etiraz etmək ABŞ üçün adət halını alıb", - Zərif Lavrova cavabında söyləyib.
