Çeçenistan paytaxtı Qroznıda silahlılar kilsədə bir qrup şəxsi girov götürməyə cəhd edib.
Cebhe.info xəbər verir ki, hadisə 19 mayda Arxangel Mixail kilsəsində baş verib. Kilsə şəhərin mərkəzində yerləşir. Ancaq silahlılara qarşı xüsusi əməliyyat keçirilib. Əməliyyata Çeçenistan rəhbəri Ramzan Kadırov şəxsən nəzarət edib. Bütün terrorçular məhv edilib.
Respublika rəhbəri bildirib ki, terrorçular Qərb ölkələrindən birindən təlimat alıblar: "Bununla bağlı operativ məlumatlar var".
Əməliyyat girovlara xəsarət yetirilmədən başa çatdırılıb. Ancaq bir polis əməkdaşı aldığı yaradan xəstəxanada keçinib. Yoldan keçən bir nəfər də yaralanıb.
