Əgər tibb bacısı diqqətli olsaydı, feni vaxtında götürsəydi, oğlumun ayağı kəsilməyəcəkdi.
Mynews.az Milli.Az-a istinadla xəbər verir ki, bu sözləri doğum evindəki tibb bacısının səhlənkarlığı üzündən oğlunun ayağı kəsilən ata söyləyib.
Bədbəxt hadisə Çinin Zhumadian şəhərindəki Xincai hospitalında baş verib. Belə ki, tibb bacısı 4 günlük körpəni yuyundurduqdan sonra saç qurutma aparatı ilə qurutmaq istəyib, lakin feni açıq qoyaraq oranı tərk edib. İşlək fen təxminən saat yarım müddətində uşağın ayağını yandırıb.
Həkimlər onun həyatını xilas etmək üçün ayağını amputasiya ediblər.
