Sevgilisinin onu aldatdığını iddia edən gənc qız küçə ortasında dəliyə dönüb.
Mynews.az xəbər verir ki, hadisə Ankarada baş verib. Kiçik mübahisə qısa müddətdə əlbəyaxa davaya çevrilib və yaxınlıqdakı təhlükəsizlik kameralarına düşüb.
Cütlüyün küçə ortasında bir-birinə təpik zərbələri atması sosial mediada sürətlə yayılıb. Məlumata görə, cütlük əyləncə məkanlarından birindən gəlirmiş və qadın spirtli içki qəbul etdiyindən hadisələrə emosional yanaşıb. Kiçik bir mübahisədən sevgilisinin onu altaddığını deyən qadın ondan ayrılaraq uzaqlaşmaq istəyib. Spirtli içki qəbul etdiyi üçün oğlan sevgilisini tək buraxmaq istəməyib.
Yol ortasında dəqiqələrlə mübahisə edən cütlük ətrafdakı vətəndaşların da diqqətini çəkib. Sevgilisinin "Səni bu halda tək qoymaram" sözündən qəzəblənən qadın onu daha da şiddətlə vurmağa başlayıb. (publika.az)
