Türkiyədə iyulun 28-dən bəri davam edən meşə yanğınlarının demək olar ki, hamısı lokallaşdırılıb.
Bunu əkin və meşə təsərrüfatı naziri Bəkir Pakdəmirli özünün “Twitter” səhifəsindəki paylaşımında bildirib.
Nazir Milas və Köyceğiz istisna olmaqla, bütün yanğın ocaqlarının nəzarət altına alındığını bildirib.
Həmçinin o, adıçəkilən ərazilərdə qurudan və havadan yanğınsöndürmə işlərinin davam etdirildiyini də qeyd edib.
Türkiyənin hakim Ədalət və İnkişaf Partiyasının sözçüsü Ömər Çəlik də meşə yanğınları ilə bağlı açıqlama verib. O, bildirib ki, artıq 256 yanğın lokallaşdırılıb və hazırda 4 yanğın ocağında müvafiq istiqamətdə işlər aparılır.
