Rusiya qoşunları Ukrayna ərazisindən çıxarıldıqdan sonra onların Çernobıl torpağına hansı ziyanı vurduğunu araşdırmaq üçün illər lazım olacaq.
Mynews.az UNİAN-a istinadla məlumatına görə, bunu Yaponiya parlamentində çıxışı zamanı Ukrayna prezidenti Volodimir Zelenski deyib.
Bu gün Ukraynada dörd atom elektrik stansiyası fəaliyyət göstərir, bunlar 15 nüvə blokundan ibarətdir və onların hamısı Rusiyanın hərbi təcavüzünə görə təhlükə altındadır.
Ölkə başçısı bildirib ki, Rusiya Ukraynanın müdafiə qüvvələrinə qarşı yeni hücumlar hazırlamaq üçün Çernobıl Atom Elektrik Stansiyasının yaxınlığındakı qapalı zonadan istifadə edir.
Həmçinin Zelenski Yaponiyaya Rusiyanın Ukraynaya müdaxiləsindən dərhal sonra köməyə gəldiyinə görə təşəkkür edib.
