İstanbul-Mersin təyyarəsi 3 dəfə qəza təhlükəsi yaşayıb.
Mynews.az xəbər verir ki, bu barədə türk mediası məlumat yayıb.
Ürək tutmaları oldu, sərnişinlər etiraz etdilər: Pilot dəyişdirildi.
İstanbul-Mersin reysini həyata keçirən təyyarə sərnişinlərə dəhşətli anlar yaşadıb. Sərnişinlərin sözlərinə görə, təyyarə Aralıq dənizi üzərində 3 dəfə qəzaya uğrama təhlükəsi ilə üzləşib və bundan sonra məcburən Kayseriyə eniş edib.
Təyyarədə bəzi sərnişinlər ürək tutması yaşayıb. Qorxuya düşən bəzi sərnişinlər Kayseridə təyyarəyə yenidən minməkdən imtina ediblər. Hadisəyə polis müdaxilə edib və pilotun dəyişdirildiyi bildirilib.
Sərnişinlərdən birinin iddiasına görə, 1 nəfər ürək tutması keçirib, 1-2 nəfər huşunu itirib, 1 nəfərin isə vəziyyəti pisləşib və ona müdaxilə edilib.
