Rusiya hücuma keçdi, Avropa qazsız qaldı

Dünya

23:03 19.11.2024

Ursula Von der Leyen “Qazprom”un Avstriyaya qaz tədarükünü dayandırmaq qərarını “şantaj” adlandırıb. Mynews portalı yazır ki, avropalılar qəzəbləniblər: "Qərbin sanksiyaları və embarqoları ədalətlidir, lakin Rusiya “qaz kozırını” ləğv edəndə bu, artıq problemdir".

Ursula Von der Leyen Rusiyanın enerji şirkəti “Qazprom”un Avstriyaya təbii qaz nəqlini dayandırmaq qərarına sosial media səhifəsində reaksiya verib.
Avropa Komissiyasının rəhbəri Rusiya prezidenti Vladimir Putinin enerjidən “silah” kimi istifadə etdiyini qeyd edib və əlavə edib: “Putin qaz tədarükünü dayandırmaqla Avstriya və Avropanı şantaj etməyə çalışır”.

Aİ-nin Rusiyadan qaz tədarükünün dayandırılmasına və qış dövrünə hazır olduğuna diqqət çəkən fon der Leyen vurğulayıb: “Aİ-də təbii qaz anbarları doludur”. Avropa Komissiyasının sədri qazın kəsilməsini Avstriya kansleri Karl Nehammerlə müzakirə etdiyini və Avropanın Avstriyaya dəstək verəcəyini bildirib.