Rusiyanın ilhaq etdiyi Krımın "rəhbəri" Sergey Aksenov deyib ki, hava hücumundan müdafiə qüvvələri Kerç yaxınlığında qanadlı raketi vurub. Mynews.az-ın məlumatına görə, şəhər sakinləri bir neçə partlayış səsi eşidiblər.
Aksenov Telegram kanalında dağıntı və tələfat olmadığını bildirib. O, hamını sakit olmağa və yalnız etibarlı məlumat mənbələrinə etibar etməyə çağırıb.
Xatırladaq ki, ötən həftə Krımın Kirov rayonunda dəmir yolu relsləri partladılıb. Həmin gün Ukrayna Silahlı Qüvvələri PUA-dan istifadə edərək yarımadaya hücuma cəhd edib. Partlayıcı maddə daşıyan təyyarə tipli pilotsuz təyyarə hava hücumundan müdafiə sistemləri tərəfindən vurularaq Cankoy yaxınlığında yerə düşüb.
