50 min hamilə qadın aclıqla mübarizə aparır

Dünya

13:19 29.11.2024

Birləşmiş Millətlər Təşkilatının Fələstin Agentliyinin baş komissarı Filippe Lazzarini, Qəzzada 50 mindən çox hamilə qadının aclıqla mübarizə apardığını bildirib. 

Mynews.az xəbər verir ki, immunitet sistemi zəifləmiş hamilə və əmizdirən qadınlar zibil yığınları arasında həyatda qalmaq üçün mübarizə aparırlar.

Lazzarini, Qəzzada təxminən 50 min hamilə qadının olduğunu və gələn ay 4 min doğumun gözlənildiyini bildirib. Lazzarini açıqlamasında, pis gigiyena şəraitinin və təmiz suya çıxışın olmamasının hamilə və əmizdirən qadınların həyatda qalmasını çətinləşdirdiyini vurğulayıb. Bəyanatda bildirilib: “İmmunitet sistemi zəifləmiş qadınlar zibil və kanalizasiyanın yığıldığı ərazilərdə həyatda qalmaq üçün mübarizə aparırlar".

O da qeyd olunub ki, gigiyena məhsullarına çıxış mümkünsüz olub. 700 mindən çox qadın və qız sanitar yastıqcıqlar kimi əsas ehtiyacları əldə edə bilmir. Məhsullar ya çox bahadır, ya da tamamilə satılıb. “Məsələn, sabunun qiyməti 1100 faiz artıb.