Səfir İranın Azərbaycana münasibətini tənqid edib - FAKT

Dünya

15:00 02.12.2024

Keçmiş səfir: “Diplomatiya ünsiyyət qurmaq və əlaqələri möhkəmləndirmək sənətidir”

Mynews.az IQNA-ya istinadən xəbər verir ki, İranın Azərbaycandakı sabiq səfiri Möhsün Pakayin diplomatiyanın ünsiyyət yaratmaq və münasibətləri möhkəmləndirmək üçün bir sənət adlandırıb. Pakayin Təbriz Universitetində keçirilən konfransda çıxış edərkən, İranın elmi diplomatiyasının səmərəli şəkildə formalaşmadığını vurğulayıb.

Sitat: “Qafqaz Avrasiyanın mərkəzində yerləşən Avropa ilə Asiyanı birləşdirən halqadır... İranın Qafqaz regionu ölkələri ilə əlaqələri nə qədər yaxşı olarsa, bir o qədər daha yaxşı elmi əməkdaşlıq formalaşacaq”.

“İran və Azərbaycanın müvafiq imkanları olmasına və bu tip əməkdaşlığı genişləndirmək ehtiyacına baxmayaraq, heç bir uğur əldə edilməyib. İranın Ermənistanla uğurlu münasibətləri var və iki ölkə əlaqələrinin əsasını mədəniyyət təşkil edir. Hazırda Tehran və İrəvan arasında elmi əməkdaşlıq üçün heç bir maneə yoxdur”, - deyə, sabiq diplomat əlavə edib.