Macarıstan: Trampın şansı varmı?

Dünya

12:19 05.12.2024

ABŞ-ın yeni seçilmiş prezidentinin Ukraynadakı münaqişəni həll etmək məqsədi realdır. Mynews.az saytı xəbər verir ki, bunu M1 telekanalına müsahibəsində Macarıstanın xarici işlər naziri Peter Siyarto deyib.

“Biz Donald Trampın bu müharibəni tez bir zamanda bitirmək məqsədini reallığa çevirməyə çox yaxınıq”, - o vurğulayıb.

Eyni zamanda, Macarıstan Xarici İşlər Nazirliyinin rəhbəri əlavə edib ki, Şimali Atlantika Alyansı xarici işlər nazirlərinin dekabrın 3-4-də Brüsseldə keçirilən görüşündə Dövlət Departamentinin hazırkı rəhbəri Antoni Blinken münaqişənin davam etdirilməsi mövqeyini yayımlayıb.

Bundan əvvəl “Bloomberg” diplomatik mənbələrə istinadən xəbər verib ki, NATO ölkələri Ukraynadakı silahlı münaqişəyə son qoymaq üçün danışıqların yaxın gələcəkdə başlamalı olduğunu qəbul edirlər. Nəşrin mənbələrinin qeyd etdiyi kimi, NATO üzvü olan ölkələr Ukraynada vəziyyətin hazırda son dərəcə qeyri-sabit olduğunu başa düşdükləri üçün erkən danışıqların mümkünlüyünü müzakirə etməyə başlayıblar.

Daha əvvəl Kreml bildirib ki, Rusiya Federasiyası Ukrayna üzrə danışıqlarda vasitəçilik səylərini alqışlayır.