ABŞ Dövlət Departamentinin sözçüsü Metyu Miller bildirib ki, Gürcüstan müxalif “Gürcüstan naminə” partiyasının rəhbəri və keçmiş baş nazir Giorgi Qaxariyaya hücumla bağlı təcrid oluna bilər. Mynews.az xəbər verir ki, hadisənin fonunda Miller respublikanın hakim partiyası olan “Gürcü Arzusu-Demokratik Gürcüstan”ı repressiv üsullardan istifadə etməkdə ittiham edib.
“Biz dinc nümayişçilərə... və müxalifətçilərə qarşı zorakılığı qətiyyətlə pisləyirik... Bu, “Gürcü arzusu”nun ölkəni təcrid edəcək repressiv taktikasının növbəti nümunəsidir”, - deyə X hesabında yazılıb.
Yanvarın 15-nə keçən gecə Batumidə Giorgi Qaxariya döyülüb. İlkin məlumata görə, bunu hakim partiyanın eyni oteldə qalan fəalları edib. Gürcüstan Daxili İşlər Nazirliyi faktla bağlı araşdırmalara başlayıb. Siyasətçi burnu sınmış və beyin silkələnməsi ilə xəstəxanaya aparılsa da, o, öz istəyi ilə gedib.
Bundan əvvəl Gürcüstanın baş naziri İrakli Kobaxidze Qərb ölkələrinin “Gürcü arzusu”nun banisi Bidzina İvanişviliyə qarşı sanksiyalarını milli maraqların qorunmasına görə mükafat adlandırıb.
Payızdan bəri ölkədə hakimiyyətin Aİ-yə üzvlüklə bağlı danışıqları 2028-ci ilə qədər təxirə salmaq qərarına görə etirazlar davam edir. Etiraz aksiyaları etirazçılarla təhlükəsizlik qüvvələri arasında pirotexniki vasitələrdən, gözyaşardıcı qazdan və su şırnaqlarından istifadə etməklə qarşıdurma ilə müşayiət olunub.
