Cümə axşamı gecəsi Vaşinqton səmasında ABŞ ordusuna məxsus helikopter və PSA Airlines təyyarəsi toqquşub. Nəticədə iki təyyarənin göyərtəsində olan 67 nəfərin hamısı həlak olub. Qurbanlar arasında həm amerikalı, həm də digər ölkələrin vətəndaşları, o cümlədən, rus fiqurlu konkisürənləri də olub. Hadisənin səbəbləri hələ müəyyən edilməyib. Üstəlik, uçuş şəraiti o qədər rahat idi ki, fəlakətin özü rəsmilər arasında çaşqınlıq yaradır.
PSA Airlines təyyarəsi Viçitadan Vaşinqtona planlı uçuş həyata keçirirdi. Yerli vaxtla saat 20:47-də Bombardier CRJ700 eniş üçün artıq Ronald Reyqan Milli Hava Limanına yaxınlaşırdı. Eyni zamanda yaxınlıqda ABŞ ordusuna məxsus Sikorsky UH-60 helikopteri təlim uçuşunu tamamlayırdı. Hər iki hava gəmisi bir-birinə doğru hərəkət edirdi. Təyyarənin və helikopterin təhlükəli yaxınlaşmasını görən hava limanının dispetçerləri sonuncunun ekipajını çağırmağa başladılar: “PAT 2-5, CRJ PAT 2-5-i görürsən, qoy CRJ keçsin və arxasınca getsin”. Uzun fasilədən sonra hərbi pilot nəhayət cavab verdi: "PAT 2-5 toqquşmalardan yayınma təlimatlarını tələb edən təyyarəni görüb". Amma artıq gec idi: 13 saniyə sonra səs yazısında partlayış səsi eşidilib. Dağıntılar Potomak çayına düşüb.
Bombardier-in göyərtəsində dörd ekipaj üzvü də daxil olmaqla 64 nəfər olub. Sikorsky UH-60 helikopterində üç nəfərlik ekipaj var idi. PSA Airlines təyyarəsindəki sərnişinlərin əksəriyyəti konkisürənlər, onların məşqçiləri və ailələrindən ibarət ABŞ Fiqurlu Konkisürmə Çempionatından Vaşinqtona qayıdırdılar. Onların arasında fiqurlu konkisürmə üzrə cütlük üzrə dünya çempionları Yevgeniya Şişkova və Vadim Naumov, eləcə də ABŞ-da məşqçi kimi çalışmış sovet fiqurlu konkisürən İnna Volyanskaya da daxil olmaqla bir neçə keçmiş rusiyalı idmançı olub.
Üç yüzə yaxın xilasedici fəlakət yerinə gəlib, sağ qalanları və ölənlərin cəsədlərini qaranlıqda axtarmalı olub. Bununla belə, insanları xilas etmək şansları demək olar ki olmayıb. Cümə axşamı yerli vaxtla səhər saat 8 radələrində DC Yanğın və Təcili Tibbi Yardım Xidmətinin rəisi Con Donnelli jurnalistlərə bildirib ki, çaydan 28 cəsəd çıxarılıb. "Heç kimin sağ qaldığını düşünmürük" deyib. Daha sonra xilasetmə əməliyyatı cəsədlərin və dağıntıların axtarışına çevrilib.
Reyqan hava limanının üstündəki hava məkanı ABŞ-ın ən işlək məkanlarından biridir və sərnişin təyyarələri çox vaxt vertolyotlarla eyni vaxtda oraya uçur. Lakin onların birgə yaşayışı nəzarət xidmətləri tərəfindən ciddi şəkildə tənzimlənir. "Hərbi helikopterin və American Airlines təyyarəsinin keçdiyi marşrutlar Vaşinqton üçün rutin idi", deyə ABŞ-ın Nəqliyyat naziri Sean Daffy, "Bu, adi bir vəziyyətdir. Amma bu dəfə nəsə səhv oldu” bildirib.
Fəlakət ABŞ-da 2001-ci ilin noyabrından bəri daha çox insanın ən öldüyü hadisə olub. Həmin vaxt American Airlines təyyarəsi Nyu-Yorkdakı Con Kennedi Beynəlxalq Hava Limanından qalxdıqdan az sonra qəzaya uğramışdı, nəticədə 265 nəfər həlak olmuşdu.
Hazırkı hava qəzası ilə bağlı təhqiqatı ABŞ Milli Nəqliyyat Təhlükəsizliyi Şurası (NTSB) aparacaq. Mütəxəssislər vertolyot heyətinin niyə kursu dəyişmədiyini və dispetçerlərin niyə dəqiq əmrlər vermədiyini yoxlayacaqlar.
V.SALAH
