USD 1.70
EUR 1,8441
RUB 0.0175
BREND 78.91
Bakı
7°

“Instagram” adasından kütləvi köç başlayıb

Dünya
12:50 06.02.2025
“Instagram” adasından kütləvi köç başlayıb

Dünya

12:50 06.02.2025

Egey dənizində yüksək seysmik aktivlik səngimək bilmir. Yunanıstanın Amorqos və “Instagram adası” kimi tanınan Santorini adasında güclü yeraltı təkanlar və zəlzələ ötən gün də yerli sakinləri və turistləri təşvişdə saxlayıb.

Mynews.az xəbər verir ki, 2-3 gün ərzində davam edən zəlzələlərdən sonra Santorinini 11 mindən çox insan tərk edib.

Sonuncu güclü zəlzələ dünən yerli vaxtla 21:09-da yerin 5 km dərinliyində qeydə alınıb və 5.2 bal gücündə olub.

Hələlik adada ciddi dağıntılar barədə xəbər olmasa da, yerli ada rəhbərliyi ən pisinə hazırlaşır.

Əsas turizm hədəflərindən olan Santorini adasını hər il milyonlarla insan ziyarət edir, zəlzələ və yeraltı təkanlar bölgənin turizminə ağır zərbə vurub. Təxliyə olunanların çoxunun elə xarici turistlər olduğu deyilir.

Təhlükəsizlik tədbiri olaraq Santorini və qonşu Anafi, Paros, Naksos və Mikonos adalarında məktəblər cümə gününə kimi bağlanıb.


Dünya

Xəbər lenti