Futbol üzrə Suriya milli komandasının baş məşqçisi Ayman Hakeem Özbəkistan futbolçularını 1-0 hesabı ilə məğlub etdikləri oyundan sonra keçirilən mətbuat konfransında göz yaşlarını saxlaya bilməyib.
Qələbəni Suriya xalqına həsr etdiklərini deyən baş məşqçi, ölkədəki çətin günlərə baxmayaraq, komandasının uğurlarının insanları azacıq da olsa problemlərdən uzaqlaşmağa kömək etdiyini söyləyib.
Qeyd edək ki, bu qələbədən sonra xallarını 8-ə yüksəldən Suriya milli komandası qrupdakı mövqeyini möhkəmləndirib.
