ABŞ prezidenti Donald Tramp Rusiya prezidenti Vladimir Putinə zəng edərək Sankt-Peterburqda baş verən terror aktı ilə əlaqədar başsağlığı verib.
Mynews.az TASS-a istinadən xəbər verir ki, bu barədə Rusiya liderinin mətbuat katibi Dmitri Peskov məlumat yayıb.
“Vladimir Putin ilə söhbət zamanı Donald Tramp Sankt-Peterburq metrosunda törədilən terror aktı nəticəsində ölənlərin ailələrinə və yaxınlarına dərin hüznlə başsağlığı verib və Rusiya xalqının kədərini bölüşdüyünü bildirib”, - Peskov deyib.
“Prezidentlər qeyd edib ki, terrorizm – şərdir, onunla birgə mübarizə aparmaq lazımdır”, - mətbuat katibi bildirib.
Peskovun sözlərinə görə, Putin və Tramp əlaqələrin davam etdirilməsinə dair razılığa gəliblər.
