İranın şimal-şərqindəki Xorasan Rezavi əyalətində baş verən 6,1 bal gücündə zəlzələ nəticəsində 1 nəfər ölüb, 34 nəfər xəsarət alıb
APA-nın RİA Novosti agentliyinə istinadən verdiyi xəbərə görə, yeraltı təkanlar aprelin 5-i, səhər saatlarında Məşhəd şəhərindən 94 km cənub-şərqdə qeydə alınıb. Zəlzələnin ocağı 10 km dərinlikdə yerləşib.
Məlumata əsasən, aprelin 5-də axşam saatlarında Xorasan Rezavi əyalətində daha bir zəlzələ baş verib. Onun maqnitudası 4,7 bal olub.
