Dünya bu uşağa görə şokda - ASQIRANDA... FOTO - VİDEO

20:40 06.04.2017

Dünya

Nadir sümük xəstəliyindən əziyyət çəkən balaca qız həyat eşqini itirmir.
Zoyanın atası Kertis Qur 28, anası Çelsi Lush isə 27 yaşındadır. 6 yaşlı Zoya Lush ana bətnində olanda bir neçə sümüyü artıq sınmışdı. Zədələnməyən təkcə körpücük sümüyü idi.
Sümük toxumaları inkişafdan qaldığı üçün sümüklərdə bərkimə getmir. Sümüklər o qədər incə və kövrəkdir ki, sərt hərəkət zamanı, hətta güclü asqıranda da sınırlar.
Zoyanın anası Celsi 20 yaşında hamilə qalıb. Həkimlər əvvəlcədən uşağın xəstə olduğunu desələr də qadın övladını tələf etməyib.
1 yaşına qədər Zoyanın təxminən 100 sümüyü qırılıb.
Körpücük sümüyü zədələnən qızın onurğa sütununu stabilləşdirmək üçün 2016-cı ilin iyun ayında cərrahiyə ilə boynuna metal çubuqlar yerləşdiriblər.
Celsi deyir ki, Zoya küləkli havada çölə çıxa bilmir:" Qızımın sümükləri o qədər incədir ki, güclü küləkdən sına bilir".
Həkimlər bu gedişlə Zoyanın çox yaşamayacağını desələr də, ailə ümidini itirməyib. Zoya artıq 7-ci yaş gününü qeyd etməyə hazırlaşır.
Müalicələrini davam etdirən Zoya fizioterapiyalar sayəsində əzələlərini gücləndirərək sümüklərini qorumağa başlayıb.
Bütün bunlara baxmayaraq Zoya böyük qardaşı Feliks ilə rəngarəng oyunlar oynayır, özünü yaşıdlarından fərqli saymır, hər kəslə söhbət edir, dostlaşır.
Anası gələcəkdə hər şeyin daha yaxşı olacağına, Zoyanın bir gün arabadan qalxıb sərbəst yeriyəcəyinə çox inanır.

Dünya bu uşağa görə şokda - ASQIRANDA... - FOTOLAR - VİDEO

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az