İspaniyanın ilk qadın müdafiə naziri vəzifəsini tutmuş Karme Çakona 47 yaşında dünyasını dəyişib.
Mynews.az-ın Virtual.org-a istinadən məlumatına görə, bu barədə ispan nəşri “El Mundo” xəbər verir.
Məlumata əsasən, onun meyiti bazar günü axşam saat 19:30-da Madriddəki mənzilində aşkarlanıb.
Qohumları zənglərə cavab vermədiyi üçün onun mənzilinə polis, təcili yardım maşını və yanğınsöndürənlər briqadası çağırıblar.
İlkin versiyaya görə, ölüm təbii səbəblərlə bağlıdır. Bildirilir ki, sabiq nazirin ürəklə bağlı ciddi problemləri var imiş.
