USD 1.70
EUR 1,8441
RUB 0.0175
BREND 78.91
Bakı
7°

Analıq məzuniyyəti var idi, atalıq məzuniyyəti də olacaq

Dünya
20:36 19.04.2017
Analıq məzuniyyəti var idi, atalıq məzuniyyəti də olacaq

Dünya

20:36 19.04.2017

Çexiya Senatı yeni doğulmuş körpələrə qulluq etmək üçün atalara birhəftəlik ödənişli məzuniyyətin verilməsi imkanı barədə qanun layihəsini aprelin 19-da təsdiq edib.

Mynews.az xəbər verir ki, əgər ata, yaxud məhkəmənin uşaq üzərində təyin etdiyi qəyyum buna qədər tibbi sığorta üçün ödənişlər edibsə, ona analıq məzuniyyətində olan qadınlar kimi məvacibinin baza hissəsinin 70 faizi ödəniləcək.

Hökumətin fikrincə, maliyyə dəstəyinin bu növü valideynlərlə uşaqlar arasında münasibətlərin möhkəmlənməsinə xidmət edəcək və kişiləri uşaqlara qulluq prosesinə qoşulmağa sövq edəcək.

Ödənişli məzuniyyət hüququ doğum haqqında şəhadətnamədə adı körpənin atası kimi qeyd olunmuş, yaxud məhkəmə tərəfindən uşağın qəyyumu təyin edilmiş kişilərə veriləcək. (Azərtac)


Dünya

Xəbər lenti