Ticarət mərkəzinin dördüncü mərtəbəsində olan ana kiçik qızı ilə birlikdə eskalatorla aşağı düşürdü. O, binanın üçüncü mərtəbəsindəki oyuncaq dükanına yollanırdı. Lakin eskalatorda ana ehtiyatsızlıq edib və uşağın əlini buraxıb.
Bu an faciə baş verib.
Milli.Az AsiaOne-a istinadən bildirir ki, olay Özbəkistanın Əndican şəhərindəki "Özbegim" ticarət mərkəzində yaşanıb.
Ananın qucağında kiçik övladı vardı. O, 3 yaşlı qızının əlindən tutmuşdu. Eskalatorda donunun ətəyi pilləyə ilişən qadın uşağın əlini buraxır və bu zaman 3 yaşlı qız aşağı düşür.
Dördüncü mərtəbədəki eskalatordan aşağı düşən uşaq aldığı zərbədən keçinib.
