Türkiyənin ABŞ-dakı səfirliyi önündə ermənilərlə türklər qarşılıqlı şəkildə etiraz aksiyası keçiriblər.
Mynews.az xəbər verir ki, bir neçə gün əvvəldən səfirlik qarşısına çadırlar quran türklər burada növbədə dayanaraq, erməniləri əraziyə buraxmamağa çalışıblar. Səfirliyin binasına türk bayraqları asan Türkiyə vətəndaşları bundan sonra İstiqlal marşını oxuyublar. Daha sonra isə erməni iddialarını rədd edən şüarlar səsləndiriblər.
Maraqlı məqam bu ilki etiraz aksiyasına ermənilər tərəfindən daha az şəxsin qatılması olub.
Qeyd edək ki, dünya erməniləri 24 apreldə qondarma soyqırımı Türkiyə səfirlikləri qarşısında etiraz aksiyaları keçirməklə “yad edir”.
